နိဒါန်း

လန်ဒန်ဟာကမ္ဘာ့စီးပွားရေးမြို့ကြီးတစ်ခုဖြစ်ပြီး၊ စိတ်လှုပ်ရှားစရာတွေနဲ့ပြည့်နေတဲ့မြို့တစ်မြို့ဖြစ်ပါတယ်။ ဒီလိုလန်ဒန်မြို့ကြီးကိုပထမဆုံးလာရောက်မယ်ဆိုရင်လန်ဒန်မြို့ရဲ့ဖွဲ့စည်းပုံကိုအကြမ်းဖျင်းနားလည်ထားခြင်းကအလွန်အရေးကြီးပါတယ်။ Borough တွေ၊ Zone တွေ၊ Inner နဲ့ Outer London စသဖြင့်ကိုယ်ရွေးချယ်မယ့်နေရာတွေကကိုယ့်ရဲ့နေစရိတ်၊ စားစရိတ်၊ သွားလာမှုအဆင်ပြေမှုစတာတွေအပေါ်များစွာသက်ရောက်စေနိုင်ပါတယ်။ ဒါကြောင့်လန်ဒန်မြို့ရဲ့ဖွဲ့စည်းပုံအကြောင်းကိုရိုးရိုးရှင်းရှင်းနဲ့ အကျဉ်းချုပ်ဖော်ပြပေးလိုက်ပါတယ်။

လန်ဒန်မြို့ကိုဘယ်လိုခွဲထားသလဲ?

လန်ဒန်မြို့ကို ၃၂ ခုသော Boroughs (ခရိုင်များ) နဲ့ City of London ဆိုတဲ့ စီးပွားရေး Zone ငယ်လေးတစ်ခုနဲ့ဖွဲ့စည်းထားပါတယ်။

Inner London (မြို့ဗဟိုပိုင်း)

Inner London ဆိုတာ လန်ဒန်မြို့ရဲ့အလယ်ဗဟိုပိုင်းဖြစ်ပြီးနာမည်ကြီး University တွေ၊ နိုင်ငံရေးအဖွဲ့အစည်းတွေ၊ အလုပ်အကိုင်အခွင့်အလမ်းတွေနဲ့၊ အပန်းဖြေဖျော်ဖြေမှုတွေစုစည်းနေတဲ့နေရာဖြစ်ပါတယ်။ မြို့ဗဟိုပိုင်းမှာ Transportation အချိတ်အဆက်ကောင်းကောင်းရှိတာကြောင့်တစ်နေရာမှတစ်နေရာကိုသွားရတာအဆင်ပြေပြီးနေလို့ကောင်းပေမယ့်လည်း Demand များတဲ့နေရာဖြစ်တာကြောင့်အိမ်ဈေးနဲ့အသုံးစရိတ်တွေကတော့ကြီးနိုင်ပါတယ်။

အားသာချက်များ

• UCL, LSE, KCL တို့လိုတက္ကသိုလ်ကြီးတွေကိုသွားလာရလွယ်ကူစေပါတယ်။

• Big Ben, Oxford Street, London Eye စတဲ့ နာမည်ကြီးနေရာတွေအနီးနားမှာရှိပါတယ်။

• စားသောက်ဆိုင်၊ ဖျော်ဖြေရေးနဲ့ Night Life ပျော်စရာနေရာတွေအများကြီးရှိပြီး၊ လူငယ်တွေအတွက်အတော်လေးအဆင်ပြေနိုင်ပါတယ်။

အားနည်းချက်များ

• အိမ်ငှားစျေးနှုန်းကြီးမြင့်နိုင်ပါတယ်။

• တချို့နေရာတွေမှာလူနေထိုင်မှုများတာကြောင့် Busy ဖြစ်ပြီး၊ အသံဆူညံကာစိတ်ရှုပ်နိုင်ပါတယ်။

Inner London ထဲကထင်ရှားတဲ့ Borough များ

• Camden – UCL, SOAS ကျောင်းသားတွေအတွက်အထူးသင့်တော်ပါတယ်။

• Westminster – နိုင်ငံရေးနှင့်သမိုင်းဝင်နေရာများရှိပြီး၊ အခန်းငှားခအလွန်မြင့်ပါတယ်။

• Tower Hamlets – QMUL ကျောင်းနီးပြီး၊ လူမျိုးစုံနေထိုင်ပါတယ်။

• Islington –  Modern area ဖြစ်ပြီးခရီးသွားလာရလွယ်ကူပါတယ်။

Outer London (မြို့အစွန်ဘက်)

Outer London နေရာများကတော့မြို့အစွန်ဘက်နားမှာရှိပြီး၊ တိတ်ဆိတ်အေးချမ်းတဲ့နေရာတွေဖြစ်ပါတယ်။ အများအားဖြင့် Outer London ထဲက shared flat များနဲ့၊ studio များဟာ inner zone ထဲကထက်စျေးသက်သာတဲ့အတွက်ကြောင့်ကျောင်းသားများနေစရိတ်ချွေတာနိုင်ပါတယ်။

အားသာချက်များ

• အခန်းခစျေးသက်သာပြီးအခန်းအကျယ်ကျယ်ရနိုင်ပါတယ်။

• လူနည်းပြီး၊ ဆူညံမှုနည်းတာကြောင့်တိတ်တိတ်ဆိတ်ဆိတ်အေးအေးဆေးဆေးနေနိုင်ပါတယ်။

• ပန်းခြံတွေနဲ့ သဘာဝအလှတွေခံစားနိုင်ပါတယ်။

အားနည်းချက်များ

• မြို့တွင်းကိုသွားလာရန်အချိန်ကြာမြင့်ပါတယ်။

• ဖျော်ဖြေရေး၊ အပျော်အပါး၊ Night Life နဲ့ Shopping ကောင်းကောင်းလုပ်နိုင်တဲ့နေရာနည်းပါးပါတယ်။

• Outer London ရဲ့ထင်ရှားတဲ့ Borough များ

• Newham – Culture Diverse ဖြစ်ပြီး University of East London (UEL) နဲ့နီးပါတယ်။

• Lewisham – Goldsmiths University သွားရတာအဆင်ပြေပါတယ်။

• Greenwich – Riverside နေရာဖြစ်ပြီး University of Greenwich အနီးအနားတည်ရှိပါတယ်။

Bonus: London Transport Zones ဆိုတာဘာလဲ?

လန်ဒန်မြို့ကို Zone 1 မှ Zone 9 အထိ ခွဲထားပါတယ်။ မိမိကဘယ် zone မှာနေလဲဆိုတာအပေါ်မူတည်ပြီး Transportation ခပေးရတဲ့ပမာဏကမတူညီပါဘူး။ Zone များများကိုဖြတ်ကူးပြီးသွားလာလေလေ Transportation ခကလဲမြင့်တက်သွားလေလေဖြစ်မှာဖြစ်ပါတယ်။