C9 League ဆိုတာဘာလဲ?

C9 League ဆိုတာတရုတ်နိုင်ငံရဲ့ Ivy League လို့လဲတင်စားခေါ်ဝေါ်ကြပြီး၊ တရုတ်နိုင်ငံမှာရှိတဲ့ထိပ်တန်းတက္ကသိုလ် ၉ ခုဖွဲ့စည်းထားတဲ့မဟာမိတ်အဖွဲ့အစည်းတစ်ခုကိုရည်ညွှန်းခြင်းဖြစ်ပါတယ်။ ၂၀၀၉ ခုနှစ်မှာတရုတ်အစိုးရကပညာရေး၊ သုတေသနပြုလုပ်မှုလုပ်ငန်းတွေနဲ့နိုင်ငံရဲ့ Social Service လုပ်ငန်းတွေအတွက်ရည်ရွယ်ပြီး “Project 985” ဆိုတဲ့အစီအစဉ်အောက်ကနေဂုဏ်သိက္ခာရှိတဲ့ထိပ်တန်းတက္ကသိုလ် ၉ ခုကိုစုစည်းပေးပြီး C9 League ဆိုတဲ့အဖွဲ့အစည်းတစ်ခုအဖြစ်ဖွဲ့စည်းပေးခဲ့ပါတယ်။ C9 League ဟာတရုတ်နိုင်ငံရဲ့အထက်တန်းနဲ့အဆင့်မြင့်ပညာရေးစနစ်မှာအလွန်အရေးပါတဲ့အခန်းကဏ္ဍတစ်ခုကနေပါဝင်နေပြီး၊ C9 League မှာပါဝင်တဲ့တက္ကသိုလ်များဟာပညာရေးစံနှုန်းမြင့်မားခြင်း၊ တရုတ်နိုင်ငံရဲ့အရေးပါတဲ့သုတေသနပြုလုပ်မှုတွေမှာဦးဆောင်နေနိုင်ခြင်း၊ ထင်ရှားကျော်ကြားပြီးအောင်မြင်တဲ့ကျောင်းသူကျောင်းသားတွေကိုမွေးထုတ်ပေးနိုင်ခြင်းစတဲ့ဂုဏ်သတင်းတွေနဲ့တရုတ်နိုင်ငံကပညာရေးနယ်ပယ်မှာလေးစားရတဲ့အဖွဲ့အစည်းတစ်ခုအဖြစ်ရပ်တည်နေပါတယ်။

C9 League မှာပါဝင်တဲ့တက္ကသိုလ်များ

University Name	QS World Ranking (2024)	Location	Notable Academic Strengths	Key Features
Peking University	14	Beijing	Humanities, Law, Science	Prestigious faculty, historic campus
Tsinghua University	20	Beijing	Engineering, Computer Science	Advanced research facilities
Fudan University	39	Shanghai	Medicine, Humanities, Business	Diverse international community
Shanghai Jiao Tong University	45	Shanghai	Engineering, Business	Strong industry connections
Nanjing University	145	Nanjing	Humanities, Natural Sciences	Rich cultural heritage
Zhejiang University	47	Hangzhou	Engineering, Technology	Innovative research programs
University of Science and Technology of China	133	Hefei	Science, Technology	Known for cutting-edge research
Xi’an Jiaotong University	295	Xi’an	Engineering, Biomedicine	Emphasis on practical skills and innovation
Harbin Institute of Technology	252	Harbin	Engineering, Robotics	Specialized in space science and robotics

C9 League တက္ကသိုလ်တွေမှာ International Student တွေတက်ရောက်နိုင်သလား?

International Student တွေအနေနဲ့ C9 League တက္ကသိုလ်များမှာတက်ရောက်နိုင်ပါတယ်။ C9 League တက္ကသိုလ်တွေဟာနိုင်ငံတကာကထူးချွန်ထက်မြက်တဲ့ကျောင်းသူကျောင်းသားတွေကို highly welcoming လုပ်ပြီး၊ International education ကိုလဲ  Promote လုပ်နေကြပါတယ်။ C9 League တက္ကသိုလ်တွေမှအင်္ဂလိပ်ဘာသာဖြင့်သင်ကြားပေးတဲ့ဘာသာရပ်များ (English-taught Programs) များရှိပြီး၊ International Student တွေအတွက် Scholarship အခွင့်အလမ်းများစွာလဲပေးနေပါတယ်။ ဒါ့အပြင်ကိုနိုင်ငံတကာကပညာရေးအဖွဲ့အစည်းများနှင့်လဲပူးပေါင်းပြီးသုတေသနလုပ်ငန်းများလဲပြုလုပ်လျှက်ရှိပါတယ်။