ဒီ Content မှာတော့မြန်မာနိုင်ငံမှထိုင်းနိုင်ငံသွားချင်သောလူငယ်များအတွက်သိထားသင့်သော Visa အမျိုးအစား ၄ ခုကိုအကျဥ်းချုပ်ပြောပြသွားမှာပဲဖြစ်ပါတယ်။

ဒီ Visa ကတော့ထိုင်းနိုင်ငံကိုရက်ရှည်အလည်အပတ်သွားချင်သူများအတွက်ဖြစ်ပါတယ်။ ဒီ Visa ကိုထပ်ပြီးတော့အမျိုးအစားနှစ်ခုပြန်ခွဲလို့ရပါတယ်။  Single Entry နဲ့ Multiple Entry ဖြစ်ပါတယ်။

Tourist Visa (Single Entry): Visa သက်တမ်း (Validity of Visa) ၃ လရပါမယ်။ ထိုင်းနိုင်ငံအတွင်းသို့တစ်ကြိမ်သာဝင်ရောက်ခွင့်ရပါမယ်။ ၂လ (ရက်ပေါင်း ၆၀) နေထိုင်ခွင့်ရှိပါတယ်။ ၂လနေထိုင်ပြီးပါကနောက်ထပ်ရက် ၃၀ နေထိုင်ခွင့်တစ်ခါထပ်တိုးလျောက်လို့ရပါတယ်။ Visa Application Fee က 40 USD ရှိပါမယ်။

ဥပမာပေးရရင်ကိုယ်က 1st January မှာ Visa issue လုပ်တယ်ဆိုရင်နောက်သုံးလ 1st April ထိ Visa သက်တမ်းရရှိမှာဖြစ်ပြီး၊ Visa သက်တမ်း Expire မဖြစ်ခင်ထိုင်းနိုင်ငံအတွင်းကိုဝင်ရမှာဖြစ်ပါတယ်။ အကယ်၍ ထိုင်းနိုင်ငံအတွင်းသို့မဝင်ခင် Visa သက်တမ်း Expire ဖြစ်သွားခဲ့ရင်တော့နောက်ထပ် Visa အသစ်တစ်ခုကိုထပ်လျှောက်ရမှာပဲဖြစ်ပါတယ်။ ထိုင်းနိုင်ငံအတွင်းသို့ရောက်ပြီဆိုရင် (ထိုင်း Airport က Immigration ကိုဖြတ်ပြီးတာနဲ့) ရက်ပေါင်း ၆၀ နေထိုင်ခွင့်စတင်ရေတွက်မှာပဲဖြစ်ပါတယ်။

Tourist Visa (Multiple Entry): Visa သက်တမ်း (Validity of Visa) ၆ လရပါမယ်။ ထိုင်းနိုင်ငံအတွင်းသို့အကြိမ်များစွာအဝင်အထွက်ပြုလုပ်နိုင်ပါတယ်။ ထိုင်းနိုင်ငံထဲသို့တစ်ကြိမ်ဝင်ရောက်ပြီးတိုင်းရက်ပေါင်း ၆၀ နေထိုင်ခွင့်ရှိပါတယ်။ (ရက်ပေါင်း ၆၀ ပြည့်ပါကနိုင်ငံအပြင်သ်ို့အထွက်ပြပြီးပြန်ဝင်လျှင်ရက်ပေါင်း ၆၀ နေထိုင်ခွင့်ပြန်လည်ရရှိနိုင်မှာဖြစ်ပါတယ်။) Visa Application Fee က 200 USD ရှိပါမယ်။

ဥပမာပေးရရင််ကိုယ်က  1st January မှာ Visa issue လုပ်တယ်ဆိုရင် နောက် ၆ လ 1st July ထိ Visa သက်တမ်းရရှိမှာဖြစ်ပြီး၊ Visa Expire မဖြစ်ခင်ထိအကြိမ်များစွာထိုင်းနိုင်ငံသို့အဝင်အထွက်လုပ်နိုင်ပါတယ်။ သို့ပေမယ့်ထိုင်းနိုင်ငံအတွင်းသို့တစ်ကြိမ်ဝင်ရောက်ပြီးတိုင်းရက်ပေါင်း ၆၀ သာနေထိုင်ခွင့်ရရှိမှာဖြစ်ပါတယ်။

Tourist Visa လျှောက်ရန်လိုအပ်သော Documents များ

1. Visa လျှောက်မည့်ရက်မှအနည်းဆုံး ၆ လသက်တမ်းကျန်ရှိရမည့် Passport နှင့် Visa တံဆိပ်တုံးထုရန် Passport Blank Paper
2. သိန်း ၂၀ သို့မဟုတ် ၂၀ နှင့်အထက်ရှိသော မိမိအမည်နှင့် Bank စာအုပ်မူရင်းနှင့် Bank Statement မူရင်း
3. Visa လျှောက်ရန်ဖြည့်ထားပြီး၊ လက်မှတ်ထိုးထားသည့် Completed ဖြစ်ပြီး Visa Application Form
4. လေယာဥ်အသွားအပြန်လက်မှတ် (၁၄ ရက်နှင့်အထက်ရှိရပါမယ်)
5. ၁၄ ရက်နှင့်အထက် Hotel Booking လုပ်ထားပါတယ်ဆိုသောသက်သေအထောက်အထားတို့ပဲဖြစ်ပါတယ်။

မှတ်ချက်

Visa သက်တမ်း (Validity of Visa) ဆိုသည်မှာ Visa Issue လုပ်သည့်နေ့မှစ၍ရေတွက်ပါသည်။ Visa သက်တမ်း (Validilty of Visa) မကုန်ခင်နိုင်ငံအတွင်းသို့ဝင်ရောက်ရပါမယ်။ သက်တမ်းကုန်လွန်သွားပါက နိုင်ငံအတွင်းဝင်ရောက်ရန် Visa အသစ်ပြန်လျှောက်ရပါမယ်။

Period of Stay နေထိုင်ခွင့်ဆိုသည်မှာလေဆိပ်ကိုဖြတ်ကျော်ပြီးသည့်နေ့မှစ၍ရေတွက်ပါသည်။ ခွင့်ပြုထားသောရက်ထက်ကျော််လွန်၍နေထိုင်ခဲ့ပါကဒဏ်ငွေဆောင်ရပြီး၊ နောက်တစ်ကြိမ် Visa ထပ်လျှောက်ခွင့်ပိတ်ပင်ခံရနိုင်ပါတယ်။

ဒီ Visa အမျိုးအစားကတော့ ထိုင်းနိုင်ငံမှာကျောင်းသွားတက်ချင်သူများအတွက်ဖြစ်ပါတယ်။ Visa သက်တမ်း ၃ လရပါမယ်။ သက်တမ်း ၃ လမလွန်ခင်ထိုင်းနိုင်ငံထဲသို့ဝင်ရပါမယ်။ ၃ လသက်တမ်းကုန်သွားပါက Extention အနေနဲ့ ၁ နှစ်ဆီ Visa သက်တမ်းတိုးသွားလို့ရပါတယ်။ Visa Application Fee က 80 USD ရှိပါမယ်။

Non-Immigrant ED Visa လျှောက်လိုအပ်သော Documents များ

1. Visa လျှောက်မည့်ရက်မှအနည်းဆုံး ၆ လသက်တမ်းကျန်ရှိရမည့် Passport
2. Visa လျှောက်ရန်ဖြည့်ပြီးလက်မှတ်ထိုးထားသည့် Completed Visa Application Form
3. မကြာသေးခင်ကရိုက်ထားသည့် Visa လျှောက်မည့်သူ၏ 3.5 cm x 4.5 cm ဓာတ်ပုံ
4. မိမိတက်ရောက်မည့်ကျောင်း၏ Acceptance Letter or Confirmation Letter
5. ကျောင်းစရိတ်၊နေစရိတ်၊ စားစရိတ်ကာမိသောငွေကြေး Amount ရှိသည့် မိမိအမည်နှင့် Bank စာအုပ်မူရင်း၊ Bank Statement မူရင်း (၁၈ နှစ်အောက်ဆိုလျှင်မိဘ၏ Bank စာအုပ်နှင့်လဲလျှောက်၍ရပါသည်။ သို့ပေမယ့် Sponsor Letter နဲ့ Birth Certificate တွေလိုအပ်ပါမည်။)
6. ဒီ ၅ ခုအပြင်သံရုံးမှတောင်းသောအခြားသောစာရွက်စာတမ်းတို့ဖြစ်ပါတယ်။ (အခြေအနေပေါ်မူတည်၍သံရုံးဖက်မှတောင်းသောစာရွက်စာတမ်းများကွဲပြားမှုရှိနိုင်ပါတယ်)။

ဒီ Visa အမျိုးအစားကတော့ ထိုင်းနိုင်ငံအတွင်းမှာအလုပ်လုပ်၊ ပညာသင်ကြားနေသောမိသားစုဝင်များနှင့်တွေ့ဆုံလိုသူများအတွက်ဖြစ်ပါသည်။ ဒီ Visa အမျိုးအစားမှာလဲ Single Entry နဲ့ Multiple Entry ဆိုပြီး နှစ်မျိုးထပ်ခွဲလို့ရပါမယ်။ Visa သက်တမ်း ၃ လရပါမယ်။ Single Entry အတွက် Visa Application Fee က 80 USD ရှိပြီး၊ Multiple Entry အတွက် Visa Application Fee က 200 USD ရှိပါမယ်။

Non-Immigrant Visa (O) လျှောက်ရန်လိုအပ်သော Documents များ

1. Visa လျှောက်မည့်ရက်မှအနည်းဆုံး ၆ လသက်တမ်းကျန်ရှိရမည့် Passport
2. Visa လျှောက်ရန်ဖြည့်ပြီးလက်မှတ်ထိုးထားသည့် Completed Visa Application Form
3. မကြာသေးခင်ကရိုက်ထားသည့် Visa လျှောက်သူ၏ဓာတ်ပုံ
4. မိမိသွားရောက်တွေ့ဆုံမည့်လူ၏မိသားစုဝင်ဖြစ်ကြောင်းထောက်ခံပေးထားသော School သို့မဟုတ် Company ဘက်မှအာမခံစာ
5. မိမိသွားရောက်တွေ့ဆုံမည့်လူ၏ Passport စာမျက်နှာနှင့် Visa စာမျက်နှာ
6. Thai Work Permit or Student ID Card မိတ္တူ
7. လက်ထပ်စာချုပ် (အိမ်ထောင်သည်များလျှောက်လျှင်လိုအပ်ပါသည်)၊ မွေးစာရင်းနှင့်အိမ်ထောင်စုစာရင်း (မိဘနှင့်သားသမီးများလျှောက်လျှင်လိုအပ်ပါသည်)
8. Company ဘက်မှ Business Certificate 
9. Bank စာအုပ်နှင့် Bank Statement
10. အခြားသောစာရွက်စာတမ်းများ (အခြေအနေပေါ်မူတည်၍သံရုံးဖက်မှတောင်းသောစာရွက်စာတမ်းများကွဲပြားမှုရှိနိုင်ပါတယ်)။

ဒီ Visa အမျိုးအစားကတော့ ထိုင်းနိုင်ငံကိုအလုပ်အကိုင်ကိစ္စနဲ့သွားရောက်လိုသူများအတွက်ဖြစ်ပါတယ်။ ဒီ Visa အမျိုးအစားမှာလဲ Single Entry နဲ့ Multiple Entry ဆိုပြီး နှစ်မျိုးထပ်ခွဲလို့ရပါမယ်။

Single Entry: Visa သက်တမ်း (Validity of Visa) ၃ လရပါမယ်။ ထိုင်းနိုင်ငံအတွင်းသို့တစ်ကြိမ်သာဝင်ရောက်ခွင့်ရပါမယ်။ ၃လ (ရက်ပေါင်း ၉၀) နေထိုင်ခွင့်ရှိပါတယ်။ Visa Application Fee က 80 USD ရှိပါမယ်။

Multiple Entry: Visa သက်တမ်း (Validity of Visa) ၁နှစ််ရပါမယ်။ ထိုင်းနိုင်ငံအတွင်းသို့တစ်ကြိမ်ထက်မက အကြိမ်များစွာဝင်ထွက်နိုင်ခွင့်ရှိပါတယ်။ တစ်ကြိမ်ဝင်ရောက်ပြီးလျှင် ရက်ပေါင်း ၉၀ နေထိုင်ခွင့်ရှိပါတယ်။  Visa Application Fee က 200 USD ရှိပါမယ်။

Non-Immigrant (B) လျှောက်ရန်လိုအပ်သော Documents များ

1. Visa လျှောက်မည့်ရက်မှအနည်းဆုံး ၆ လသက်တမ်းကျန်ရှိရမည့် Passport
2. Visa လျှောက်ရန်ဖြည့်ပြီးလက်မှတ်ထိုးထားသည့် Visa Application Form
3. မကြာသေးခင်ကရိုက်ထားသည့် Visa လျှောက်သူ၏ 3.5 cm x 4.5 cm ဓာတ်ပုံ
4. Bank စာအုပ်နှင့် Bank Statement
5. Business နှင့်ဆိုင်သောအောက်ပါစာရွက်စာတမ်းများ (Business နှင့်ဆိုင်သော Categories များထဲမှလူငယ်များအတွက် Category နှစ်ခုကိုသာရွေးချယ်ပြီးဖော်ပြထားပါတယ်။ အသေးစိတ်ကိုတော့ ဒီ Link ထဲမှာသွားရောက်ကြည့်ရှုနိုင်ပါတယ်။ https://yangon.thaiembassy.org/en/publicservice/non-immigrant-b-and-ib-visa?page=636b8dd1bd89964efa299793&menu=5d9ee5ccb0f40905b305f052 

ထိုင်းနိုင်ငံအတွင်းအလုပ်လုပ်ကိုင်ဖို့သွားသူများအတွက်

1. ထိုင်းအလုပ်ရှင်ဖက်မှထုတ်ပေးသော Visa လျှောက်လိုသူ၏အလုပ်အကိုင်၊ ရာထူး၊ လစာ၊ လုပ်ကိုင်ရမည့်အချိန်ကာလစသည်တို့ကိုဖော်ပြထားသောထောက်ခံစာ
2. Department of Employment မှထုတ်ပေးသော Work Permit သို့မဟုတ် Approval Letter (သို့မဟုတ်) မိမိသွားလုပ်မည့် Company က BOI အောက် မှတ်ပုံတင်ထားလျှင် BOI မှထောက်ခံစာ။ (အရင်ကထိုင်းနိုင်ငံအတွင်းအလုပ်လုပ်ကိုင်ဖူးလျှင် ယခင်ကရရှိထားသည့် Work Permit သို့မဟုတ် Approval Letter လဲလိုအပ်ပါတယ်)။
3. Visa လျှောက်လိုသူ၏ Professional Qualification နှင့်အလုပ်အကိုင်အတွေ့အကြုံကိုဖော်ပြနိုင်သောအထောက်အထား
4. မိမိလျှောက်လိုသည့် Company ၏အသေးစိတ်အချက်အလက် (ဥပမာ Company ၏မှတ်ပုံတင်နှင့်လိုင်စင်၊ တည်နေရာစသဖြင့်)
5. Alien income tax return (Por Ngor Dor 91) နဲ့ Value-added tax registration (Por Por 20)၊ ဒီစာရွက်စာတမ်းမှာတော့ Company ဘက်မှတာဝန်ရှိသူလက်မှတ်နှင့် Company တံဆိပ်တုံးပါရှိရမှာဖြစ်ပြီး တာဝန်ရှိသူ၏ ID ကိုလည်းသံရုံးဖက်သို့ပေးရမှာဖြစ်ပါတယ်။

ထိုင်းနိုင်ငံအတွင်းအလုပ်သင်နှင့် Internship သွားသူများအတွက်

1. ထိုင်းအလုပ်ရှင်ဖက်မှထုတ်ပေးသော Visa လျှောက်လိုသူအတွက် Internship အသေးစိတ် (အလုပ်အကိုင်၊ ရာထူး၊ လစာ၊ လုပ်ကိုင်ရမည့်အချိန်ကာလစသည်တို့ကိုဖော်ပြထားသောထောက်ခံစာ)၊ ထောက်ခံစာတွင် အလုပ်ရှင်ဖက်မှတာဝန်ရှိသူ၏လက်မှတ်နှင့်၎င်း၏ ID Copy
2. Company ၏အသေးစိတ်အချက်အလက်
3. အကယ်၍မိမိလုပ်ကိုင်မည့် Internship ကတက္ကသိုလ်ဖက်မှပေးသော Internship ဖြစ်တယ်ဆိုရင်တက္ကသိုလ်ဖက်မှထောက်ခံစာလိုအပ်ပါမယ်

အကုန်လုံးကိုပြန်ချုပ်ရရင် ဒီ Content လေးမှာ လူငယ်များအတွက်သင့်တော်သောထိုင်းနိုင်ငံအတွင်းသို့ဝင်ရောက်နိုင်မည့် Visa အမျိုးအစား ၄ ခုကိုအကျဥ်းချုံးပြောပြခဲ့တာပဲဖြစ်ပါတယ်။ အသေးစိတ်ကိုသိရှိချင်ရင်တော့ Royal Thai Embassy Yangon ဆိုတဲ့ Website ထဲမှာသွားရောက်ဖတ်ရှုနိုင်ပါတယ်။