နိုင်ငံခြားမှာတက္ကသိုလ်တက်ရရင် Developed ဖြစ်တဲ့နိုင်ငံမှာပဲတက်ချင်တယ်။ သို့ပေမယ့်ငွေကြေးအကုန်အကျအများကြီးလဲမသုံးချင်ဘူးဆိုရင်တော့ UK၊ US၊ Australia  စတဲ့ Western နိုင်ငံတွေကိုရွေးချယ်မယ့်အစားဈေးသက်သာ၊ အရည်အသွေးကောင်းပြီး Developed Country တစ်ခုလဲဖြစ်တဲ့တရုတ်နိုင်ငံကိုတစ်ချက်စဥ်းစားသင့်ပါတယ်။

💰 ဈေးနှုန်းချိုသာမှု

တရုတ်နိုင်ငံကတက္ကသိုလ်တွေရဲ့ကျောင်းစရိတ်ဟာအနောက်နိုင်ငံတွေဖြစ်တဲ့ UK, US, Australia စတဲ့နိုင်ငံတွေထက်သိသိသာသာနည်းပါးပါတယ်။ ဒါကြောင့်ဘတ်ဂျက်နဲ့ကျောင်းတက်ချင်တဲ့သူများအတွက်တရုတ်နိုင်ငံဟာထည့်သွင်းစဥ်းစားသင့်တဲ့နိုင်ငံတစ်ခုဖြစ်ပါတယ်။ ပျမ်းမျှအားဖြင့်နှစ်စဥ်ကျောင်းစရိတ် US $2,000 မှ $4,000 ကြားရှိပါတယ်။

🏙 နေထိုင်စရိတ်သက်သာမှု 

တရုတ်နိုင်ငံမှာနေထိုင်စရိတ်ဟာလဲအနောက်နိုင်ငံများနဲ့ယှဥ်ရင်အများကြီးသက်သာပါတယ်။ ပျမ်းမျှအားဖြင့် Shared Apartment တစ်ခုကိုတစ်လလျှင် $150 – $250 နဲ့ရနိုင်ပါတယ်။ ဒါ့အပြင်စားစရိတ်၊ ခရီးသွားစရိတ်တွေကလဲ student-friendly ဖြစ်ပါတယ်။

🌍 နိုင်ငံတကာသင်ရိုးညွှန်းတမ်းများနှင့်အညီသင်ကြားပြသပေးပြီး၊ English-Taught Program များရှိခြင်း

တရုတ်မှာ Bsiness၊ Medicine၊ Engineering စတဲ့ဘာသာရပ်တွေကိုအင်္ဂလိပ်ဘာသာသီးသန့်ဖြင့်သင်ကြားပေးတဲ့တက္ကသိုလ်များရှိပါတယ်။ ဒါ့အပြင်ကိုနိုင်ငံတကာမှပါမောက္ခများ၊ Institution များနှင့်ပူးပေါင်းပြီးသင်ကြားပြသမှုများလဲရှိပါတယ်။ ဒါကြောင့်တရုတ်ဘာသာစကားမကျွမ်းကျင်သော်လဲကျောင်းတက်နိုင်တဲ့အခွင့်အရေးတွေရှိပါတယ်။

🎓 Scholarship အခွင့်အလမ်းများရှိခြင်း

တရုတ်နိုင်ငံမှာအစိုးရမှ Chinese Government Scholarship – CSC ဆိုတဲ့ Scholarship အများအပြားကို International Student များအတွက်လဲပေးနေပါတယ်။ ဒါ့အပြင်တက္ကသိုလ်များအပေါ်မူတည်ပြီးသီးသန့်ပေးတဲ့ scholarship များလဲရှိပါတယ်။ Scholarship များမှကျောင်းစရိတ်၊ နေထိုင်စရိတ်၊ လစဉ်အသုံးစရိတ်ကို Fully or Partially ထောက်ပံ့ပေးပါတယ်။

💼 ကျောင်းပြီးတဲ့နောက်အလုပ်အကိုင်အခွင့်အလမ်းများရှိခြင်း

တရုတ်နိုင်ငံဟာကမ္ဘာပေါ်မှာဒုတိယစီးပွားရေးအင်အားအကြီးဆုံးနိုင်ငံဖြစ်ပြီး၊ ထိပ်တန်းစီးပွားရေးဈေးကွက်တစ်ခုဖြစ်လာတာကြောင့်ပညာသင်ကြားပြီးနောက်အလုပ်အကိုင်ရှာဖွေရာမှာနိုင်ငံတကာကျောင်းသားတွေအတွက်အခွင့်အလမ်းရှိပါတယ်။

မှတ်ချက်။ ယခုဖော်ပြထားသောကျောင်းစရိတ်များသည်ကိုးကားရန်အတွက်သာဖြစ်ပြီး၊နှစ်စဥ်နှင့်အမျှကျောင်းစရိတ်အပြောင်းအလဲရှိပါသည်။